Притчина Анисья Мироновна - тыיн лаӽсӽ кәмман бабучӽанк Танянк. Тхлочӽ кיахскнэн 24февралянк 1925годанк Чувашиянк атнумк Ырыкла Клявлинскיан районанк Куйбышевскיан областянк. Әннан кӈалос ԓӄзувэн °плаӽ: исхэיн - Носов Мирон Миронович эк Евдокия Яковлевна, кэлвук пיэיн - Матвей, Дмитрий, Иван, Вера, Оля эк Анисья, кәмман тхлочӽ. Атнум Ырыкла ԓӄзувэн °плаӽ. Нухӄэнэ ксуњԓкнэיн чувашаיн. Ӄаיм мэчיакэ ктӽзокнэיн инкнэԓ ттэיан атнум эк татарскיан хутор. Итיэ ккיоԓкнэн лотיԓӽэном , тхлочӽэнк ԓӄзувэн 15 годаיн. Тнумк Москванк эк Мурмансканк кскнэיн ӄэיмэיн, вэтвэтэнк молодежь ккיоԓкнэн тхатхаск 18 годаיн. Әӈӄа би кיоԓкас ткэ, әнна ктэлיин чיоӄ годаיн. Ԓӄзувэн љви хилкаӄ, әнна кיәнӄэтэтэיин хкיиיн, ӽэ °плаӽ бомбежкит әннанк ԓӄзувэн контузия эк тхатхаск әнна ӽэӄэ кיэлфскнэн. Тхатхаск лотיԓӽэном тхлочӽ ккיоԓкнэн әннан атнуманкэ. Квэтаткнэн усхэнк эк ферманк. Инхт ԓӄзувэн пилвэпилיин. Эк 2апрелянк 1947 годанк кԓיин справка отходничестванкэ эк ккיоԓкнэн Камчатканкэ. Ккיоԓкнэн Самзатיан районанкэ °ԓэмчанкэ Ачавањч, квэтаткнэн крабоконсервнיан заводанк. Тхатхаск тыיнну завод, кскнэн 1929 годанк, 70-е годаיнк ХХ веканк ккיоԓкнэн Ийанинי ин Плэӽэнк. Итיэ тхлочӽ кӈаԓхкнэн, әнна эк әннан ӄамзан ккיоԓкнэн уљуљаӽ итәнмәнיин атнумкэ Плэӽэн. Итיэ атнум ксопיиיн, кӈалос ккיоԓкнэн атнумкэ Каврал. Тхлочӽ Анисья птос годаיн квэтаткнэн санитарка Кавралיан әӈӄсхэיԓномк - 15сентябрхיал 1949годанк 14мартанкэ 1983годанк. Декабрянк 2002 годанк әнна кיэзакнэн. Тхлочӽ ԓӄзувэн љви тхунлаӽ эк приветливיин. Кיэсӽтэкнэн пיэיн, ӽэ тхатхаск кיэсӽтэкнэн кӑмлоיн. Кәмман исх накхаיан тхиԓӄзузэн тхлочӽкит љви омӄ. Муза әнна ӄаיм итיэ ӄаיм нәнтхвәчэн!