Нерня’ манзарава’’ таславы’’ (Разговор состоялся, планы намечены)

  • Автор: Юлия Талеева газета Няръяна вындер (Красный тундровик)
  • Язык произведения: Ненецкий
  • Перевод: Юлия Талеева газета Няръяна вындер (Красный тундровик)
  • Жанр: Статьи
  • Год: 2020

Поддержи проект, расскажи о нас в соцсетях

Вступай в группы библиотеки народов Севера и Дальнего Востока

Россияна’’ минсельхозхана тыбэрма’ сер’’ нерня’ мимам’, тыбэрти’’ нядабава серм’ тасламбиць. Ма’’лёвахана Джамбулат Хатуов министр’ ӈуда’ ӈылы, Григорий Ледков – ӈарка ассоциацияна’’ президент’, коодинационной совет манзарана’’ ӈобкана манзараць. Ӈэрм’ явна’’ мюсерта’’, тыдо’ пэртя’’ хибяри’’ тэхэт’’ иле’’, ты’’ илӈганандо’ сямянд таранидо’. Тарця хибяри’’ государствова’’ нядабабнанда тара. Ханзер’’ нядабась, тарця сер’’ сававна таслась тара. Тены’’ похо’’на’’ ханяӈы хибяри’’ тыдо’ общинаха’’на’’ пэръядо’. Тарем’ манзарась, пыдо’ государствоход’ субсидиям’ ни’’ ня’’амарпю’’. Субсидиям’ ня’’амарпава’’ е’’эмня федеральной законодательством’ несэюмдась тара, тикы сер’’ министерство’ манэ’’сартада. Я’ сяр ниня маниесь, Россиява’’ ты’’ толыр’’мана таслась нерняна миӈа. Ямало-Ненецкой, Ненэцие’’, Чукотской автономной округха’’на’’, Саха (Якутия) республикахана, Краснодарской крайхана ӈокаюв’ ты’’ пэръядо’ 77,4%. 2020 похона тына’’ толыр’’ 1,6 миллионхад’ ва’’ӈась. - Ӈэрм’ яхана харто’ манзаидо’ нерня’ минрена’’ хибяри’’ нядабась тара. Хибяри’’, ханяӈы тыбэрӈа’’, халям’ ня’’амарпи’’, яхана вадюданана ӈавори’’ ма’’ламби’’, хане’’. Тарця манзаи’’ пэрць нидо’ нядаби’’. Ӈокаювдо’ община’’ нэмби’’, общинахана манзарана’’ статусдо’ танебнанда тара. Тикахана пыдо’ харто’ мято’ тер’’ е’’эмня хусувэй сер’’ таслабгудо’, социальной няд’’мам’ ня’’амарпаӈгу’’. Общинана’’ манзарана’’ трудовой книжкидо’ танеӈгу’’. Ма’’лёвана’’ мальӈгана тарця сер’’ тасламбиваць. Тарем’ идэйнаць, ӈули’’ нерде’ рабочей группам’ ма’’лаӈгува’’, таняна манэ’’сартава’’ правовой акт’ несэюмдава’’ е’’эмня хурка манзаи’’ сертась, предложения’’ ма’’лаӈгува’’. Нерняна сертавнда манзаява’’ ӈока. Хусувэй регинон’’, ервуна’’ ня’, община’’ серу’’ тасламбада’’ нина’’ ня’, общественной манзаи’’ тасламбада’’ ня ӈобкана манзараӈгува’’, – тарця вади’’ ма’’лёвахана общественной организация’ президент’ Григорий Ледков хэтась.
Перевод
➤
Notice: Undefined variable: WORDeditor in /home/l/legendeo/legendeo.beget.tech/public_html/skins/default/index.tpl on line 78