Айтчаң сӧсти айтсалдың. Полған тақпаны тартсалдың. Ам нӧӧрӱк нааны пажапчаң? ***** Узақ кӧӧленген кебе Абыр Праспа энип ақча. Қанаттығ палығаштар Ӧре тегризаара учуғуп, Суғ аразында читпарча. ***** Шым-шырық кӱнде Тӱбӱ чоқ кӧл ӱстӱнде Кӱмӱш қанаттығлар Кӧк сӱрлер учуқчалар. ***** Аба-иче тағларынға шыққаным, Тегри-плеқке турғусқан мақкыжақ Турған озуба иириктеп партыр! ***** Сеең эрке сӧзӱң уғубалып, Мен, сақ кижи, эзирпардым. ***** Эртен сооқ кӱскӱ темнеринде Прасқа ақ тубан тӱшкенде, Ырақтаң ақ чаллығ ат Қалықта-қалықта, Керек черинге четпенча.